《讀者投稿》
見大家對住長老有好多難忍的時候，所以想講段同99的生活笑話俾大家聽當輕鬆下：
事原我之前試過幫男家的生意做野，當然知幫長老打工唔會有好結果，不過老公都同我一齊返咁就答應試下啦，當時同佢地大致都相處唔錯，我99仲係一個好貪玩的人，平時講野都幾百厭，所以同佢都幾好傾。但62就好要面子，成日借故鬧奶奶，所以佢兩個關係好差，而我係果種為咗公義會忍唔到口的人，所以有時都會幫99講說話，但咁樣又令我情緒起伏好大，所以後尾為著自己好我就唔做。
當時99有問我同老公我做咩唔做，我話唔想咁樣落去，費事你要去青山探我啦，我老公仲答佢：佢會砍死你老公再砍埋自己個老公，到時就得你地單對單啦🤣。
過咗段時間我有機會返去公司探佢地，但發現有唔妥，62對我的感覺好有距離，我返屋企問c6係咪我多心呢？ c6陰陰咀笑話你99嚇你62，話你返嚟砍死佢😳，所以佢行遠D駛時惹你。我聽到心諗：99你咁勁既，我人唔係度都可以攞嚟當門神😂
＃我的極品四大長老
Search